Ngibonga ubukhona bakho

Ngike ngangungwa ukwesaba

Izinyembezi zaba inkungu emehlweni ami

Izinhlupheko zangikhuba

Ngakhohlwa ubukhulu bakho

Ngibheke kimi

Sacima isithombe sakho

Kwafiliza okungunaphakade

Ngawangabaza amandla akho

Ngikakwe ubumnyama

Ngabunika umhlane ukukhanya kwakho

Ngakhohlwa amazwi akho

Nezithembiso zakho,

Zona ezimi ingunaphakade

Ngike ngasuka kuwe

Ngithi ngibheka iqiniso,

Ngizibhuqa, ngaziphosa ekufeni

Yebo, unyawo luye lwashelela

Kepha, kwathi lapho sengithi kuphelile

Waveza isandla sakho

Wangikhumbuza amazwi kaDavide

Lapho ethi, “Ngilondoloze Baba

Ngiphephela kuwe

Uwe, iNkosi yami

Angikwazi okuhle ngaphandle kwakho”

Wangikhipha odakeni

Wangikhumbuza, angilutho ngaphandle kwakho

Wangikhumbuza, ebumnyameni unami

Esigodini sokufa

Nakhona unami

Ngoba, nguwe ukuphila kwami

Nguwe ukukhanya kwami

Nguwe ukusindiswa kwami

Bengilokhu ngithungatha ukuthula

Ngizikhohlisa

Ngoba nguwe ukuthula kwami

Ngilondoloze baba

Ngiphephela kuwe

Uwe, iNkosi yami

Angikwazi Okuhle ngaphandle kwakho

Ukhipha inkungu emehlweni ami

Usula izinyembezi zami

Uthobe izinhlungu zenhliziyo yami

Nguwe ukuthula kwami

Nguwe uNkulunkulu wami

Akukho ukusuka kuwe

Ngilondoloze baba